रारान्यूज संवाददाता प्रकाशित : २०७७/८/२५ गते
४१६ पटक
पूर्वसांसद तथा दक्षिण कोरियाका पूर्व राजदूत कमानसिंह लामाको निधन भएको छ । कोरोना संक्रमणबाट पीडित लामाको गयराति शिक्षण अस्पताल महाराजगञ्जमा निधन भएको हो ।
काभ्रेका कम्युनिष्ट नेता लामा वि.सं. २०४८ मा काभ्रेपलाञ्चोक जिल्लाबाट सांसद बनेका थिए । त्यस्तै २०६४ सालमा संविधानसभा सदस्यसमेत रहेका थिए ।
उनी जीवनभरी नेपालको कम्युनिस्ट आन्दोलनमा सामेल भए । लामा पहिचानको आन्दोलनमा समेत उत्तिकै सहभागी भएर नेतृत्वदायी भूमिका निर्वाह गर्दै आएका थिए । इमान्दार नेताको रुपमा चिनिने लामा कोभिड–१९ को संक्रमणबाट बिरामी भई १५ दिनदेखि अस्पतालमा भर्ना भएका थिए ।
