एसियाली विकास बैंक (एडीबी)ले विमानस्थलहरुको स्तरोन्नतिका लागि १५० मिलियन डलर अर्थात साढे १७ अर्ब सहुलियत ऋण दिने भएको छ । यसका साथै एडीबीले नदीजन्य बाढी जोखिम व्यवस्थापनका लागि ४० मिलियन डलर सहुलियत ऋण र १० मिलियन डलर अनुदान उपलब्ध गराउने भएको छ ।
सहुलियत ऋण तथा अनुदान उपलब्ध गराउनेबारे अर्थ मन्त्रालय र एडीबीबीच सम्झौता भएको छ । सम्झौतामा अर्थ मन्त्रालयको तर्फबाट वैदेशिक महाशाखा प्रमुख एवं सह–सचिव श्रीकृष्ण नेपाल र एडीबीको तर्फबाट रुडी लोउईस हेन्डिकुस भेन डेलबीच सम्झौतामा हस्ताक्षर भएको छ ।
सम्झौताअनुसार १५० मिलियन डलरको सहुलियत ऋण त्रिभुवन अन्तर्राष्ट्रिय विमानस्थलको प्यारलल ट्याक्सी वे एक्सटेन्सन हङ्गर एप्रोन, सोही विमानस्थलको अर्को चरणको डिजाइनका साथै निर्माणाधीन गौतमवुद्ध विमानस्थलको दोस्रो टर्मिनल भवन निर्माणमा खर्च हुनेछ । यसैगरी १० मिलियन अनुदानसहितको ५० अर्ब ऋण सहुलियत ऋण भने नदीजन्य बाढी जोखिम व्यवस्थापन अन्तर्गत बाढी सुरक्षा पूर्वाधारको सुधार, बाढी प्रक्षेपण र जवाफदेहिता प्रणालीको प्रवद्र्धन तथा बाढी रोकथाम र तयारी व्यवस्थापन सुधारका लागि खर्च हुनेछ ।
सम्झौता हस्ताक्षरपछि सहसचिव नेपालले एडीबीको सहायताले नेपालको एयर स्पेश र बाढी सुरक्षा पुर्वाधारको क्षमता अभिवृद्धि भई राष्ट्रिय अर्थतन्त्र विकासमा सहयोग पुग्ने बताए । एडीबीका रुडी भेनले बाढी नियन्त्रण सम्बन्धी परियोजनाले जीवन सुरक्षा र विमानस्थलको सुधारले आर्थिक वृद्धिसँगै कनेक्टिीभीमा सुधार आउने बताए । कारोबार दैनिकबाट