RaraNews

रारान्यूज संवाददाता प्रकाशित : २०७७/१२/१७ गते
११९ पटक

काठमाडौँ – अख्तियार दुरुपयोग अनुसन्धान आयोगले सरकारी साक्षीका रूपमा पेस गरिएका उमानाथ खतिवडाले वकपत्र पेस गर्दा गलत मनसाय राखेको पाइएको भन्दै सोमबार विशेष अदालतमा मुद्दा दायर गरेको छ।

सहरी विकास तथा भवन विभाग डिभिजन कार्यालय इलामका तत्कालीन डिभिजनल इञ्जिनियर सुवास बस्नेतले घुस लिएको अभियोगमा विशेष अदालतमा नै मुद्दा चलिरहेको अवस्थामा सरकारी साक्षीको वकपत्रमा अन्यथा हुने गरी प्रतिकूल वकपत्र गरेको पाइएको छ।

आयोगका अनुसार खतिवडाले झापा गौरीगञ्ज गाउँपालिका तथा अर्जुनधारा नगरपालिकाको सडक निर्माण एवं थप कार्य गर्न बस्नेतले उपलब्ध गराएको बैंकको खातामा पटक–पटक गरी ३७ लाख ५० हजार जम्मा गरेको पाइएको छ।

आयोगले खतिवडाविरुद्ध सोहीअनुसार बिगो कायम गरी भ्रष्टाचारको अभियोगमा सोमबार मुद्दा दायर गरेको प्रवक्ता नारायणप्रसाद रिसालले जानकारी दिए।

रासस

प्रतिकृया दिनुहोस्