RaraNews

रारान्यूज संवाददाता प्रकाशित : २०७६/१०/२७ गते
७०४ पटक

काठमाडौँ केरुङ, हिल्सा हुँदै सल्ली खोलासम्म आइपुगेको चार हजार क्विन्टलमध्ये तीन सय क्विन्टल चामल सल्ली खोलामा अलपत्र परेको छ । नेपाल खाद्य संस्थान सिमकोटमा आर्थिक वर्ष २०७५/७६ आइपुग्नुपर्ने चार हजार क्विन्टलमध्ये तीन हजार ७०० क्विन्टल पुगेको र बाँकी चामल सल्ली खोलामा नै रोकिएको हो । भदौ महिनाबाट केरुङ हुँदै हिल्सा पुगेको चामल हिल्साबाट भदौ महिनाबाट टिपरबाट सिमकोट ओसार्न थालिएको थियो ।

सल्लीसम्म पुगेको चामल भदौदेखि मङ्सिर महिनासम्म सरदमुकाम सिमकोट ओसारिए पनि तीन हजार ७०० क्विन्टल चामल मात्रै पुगेको सिमकोट खाद्य संस्थान शाखा हुम्लाका प्रमुख रामबहादुर विष्टले बताउनुभयो । प्रमुख विष्टले भन्नुभयो, “मङ्सिर महिनाको अन्तिम सातादेखि जिल्लामा निरन्तर हिमपात भएको छ सिमकोट पुग्नुपर्ने बाँकी चामल हिमपातले कुहियो होला ।”

हुम्लामा पुस र माघमा हिमपात भएको छ । सल्ली खोला उच्च हिमाली गाउँमा पर्छ । “सरदमुकाम सिमकोट भन्दा बढी हिमपात भएकोे त्यस क्षेत्रमा प्लाष्टिकको भरमा छोपेर राखिएको चामल कसो नकुहिएला र ?” उहाँले भन्नुभयो । हवाई मार्गबाट ४५ मिनेटमा सिमकोट पुग्ने चामल काठमाडाैँ केरुङबाट स्थलमार्गबाट आउन ६ दिन लाग्छ । news of nepal

प्रतिकृया दिनुहोस्