RaraNews

रारान्यूज संवाददाता प्रकाशित : २०७६/११/२३ गते
१३९ पटक

सुर्खेत : जापानबाट कोरिया हुँदै नेपाल आइपुगेको एक जनामा उच्च ज्वरो देखिएपछि चिकित्सकको निगरानीमा राखिएको छ। बिहीबार बिहान सुर्खेत विमानस्थलमा जाँच गर्दा एक युवालाई १००.५ डिग्री सेल्सियस ज्वरो देखिएको अस्पतालका निर्देशक डा डम्बर खड्काले जानकारी दिए।  काठमाडौँबाट सुर्खेत आएका ती युवामा ज्वरोको मात्रा बढी देखिएपछि चिकित्सकको निगरानीमा राखिएको हो। उनलाई प्रदेश अस्पताल कालागाउँमा चिकित्सकको निगरानीमा राखिएको छ।

अस्पतालका निर्देशक खड्काले ज्वरो बढी देखिएकाले पूर्ण रुपमा स्वास्थ्यकर्मीको निगरानीमा राखिएको जानकारी दिए। उनले  भने,’ ती युवालाई तत्काल आइसोलेसनमा राख्नुपर्ने अवस्था रहेको छैन।’

प्रदेश सरकारले विश्वमा महामारीको रुपमा फैलिएको सो भाइरस सुरक्षित रहन सुर्खेत विमानस्थलमा ‘हेल्थ डेस्क’ स्थापना गरेपछि दैनिक स्वास्थ्य जाँच सुरु गरिएको हो।

यता प्रदेश राजधानी वीरेन्द्रनगरस्थित मेडिकलहरुमा सर्जिकल माक्सको अभाव देखिएको छ। नेपालमा पनि कोरोना भाइरस (कोभिड – १९) संक्रमण फैलिन सक्ने सन्त्रास बढेपछि यहाँका व्यवसायीले महङ्गो मूल्यमा मौज्दात सर्जिकल मास्क काठमाडौँ निर्यात गरेपछि अभाव सिर्जना भएको हो।

नेपाल औषधि व्यवसायी सङ्घ सुर्खेतका अध्यक्ष रणबहादुर खड्काले जिल्लामा रहेका करिब १०० मेडिकल तथा सर्जिकल सप्लायर्समा हाल माक्स मौज्दात नरहेको जानकारी दिए। वीरेन्द्रनगरमा सर्जिकल मात्र नभई कपडाका मास्क पनि अभाव देखिन थालेको छ।RSS

प्रतिकृया दिनुहोस्