RaraNews

रारान्यूज संवाददाता प्रकाशित : २०७७/११/१६ गते
११४ पटक

काठमाडौँ । प्रधानमन्त्री केपी शर्मा ओली गृह जिल्ला झापा जाँदैछन् । सत्तारुढ नेकपा दुई समूहमा विभाजन भएपछि प्रधानमन्त्री ओली पहिलो पटक झापा जान लागेका हुन् ।

उनले झापा क्षेत्र नम्बर ५ मा चीन-नेपाल मैत्री औद्योगिक पार्क (चाइना–नेपाल फ्रेन्ड्शिप इन्डस्ट्रियल पार्क)को शिलान्यास गर्ने कार्यक्रम छ । औद्योगिक पार्क दमक नगरपालिका, गौरादह नगरपालिका र कमल गाउँपालिकामा बन्न लागेको हो ।

त्यसैगरी प्रधानमन्त्री ओलीले दमक नगरपालिका-१ बाट चुलाचुली जोड्ने रतुवा खोलाको पुल उद्घाटन, मदन भण्डारी लोकमार्गअन्तर्गत सुनसरीको चतारादेखि झापाको बाहुनडाँगीसम्मका खोलामा निर्माण हुने दर्जन बढी पुलको दमकस्थित बेलडाँगी रतुवा खोलाबाट संयुक्त रुपमा शिलान्यास गर्ने कार्यक्रम रहेको छ ।

प्रधानमन्त्री ओली झापा जाने भएपछि जिल्लाको सुरक्षा व्यवस्था कडा बनाइएको छ । उनी विभिन्न कार्यक्रममा सहभागी भएर आजै काठमाडौँ फर्किने कार्यक्रम छ ।

प्रतिकृया दिनुहोस्