RaraNews

रारान्यूज संवाददाता प्रकाशित : २०७८/११/२६ गते
६१० पटक

‘बुलाकी’ को पहिलो मुहार सार्वजनिक भएको छ। पहिलो मुहारमा अभिनेत्री सुरक्षा पन्तलाई प्रस्तुत गरिएको छ।

कर्णाली भेगको जनजीवन, रीतिथिति तथा संस्कृति समेटिएको फिल्ममा लक्ष्मण सुनारको निर्देशन छ। फस्टलुकमा सुरक्षालाई कर्णाली भेगकी महिलाको रुपमा देखाइएको छ।

टोपेन्द्र विष्टको निर्माण रहेको फिल्ममा स्व मोती विष्ट प्रस्तुतकर्ता छन्। डोल्पा, जाजरकोट र रुकुममा खिचिएको फिल्ममा सुरक्षा, नरेन्द्र खड्का, नवअभिनेता विराज विष्ट र प्रकाश कँडेल, रमेश बुढाथोकी, सुशील पोखरेल, लक्ष्मी गिरी, कुलदीप अधिकारी, झलनाथ खत्री, सरस्वती खत्री, उपासना वाइवा, सोनु सेढाइँ, धनबहादुर राई, लक्ष्मण देवकोटा, वसन्त परियारको अभिनय छ।

छत्रेश्वरी मेनेजमेन्टको व्यानरमा सौगात कँडेल सहनिर्माता रहेको फिल्ममा शिव ढकालको छायांकन छ। निर्माण पक्षका अनुसार केही समयपछि टिजरसँगै फिल्मको रिलिज मिति पनि सार्वजनिक गरिनेछ।

प्रतिकृया दिनुहोस्